როცა აქცია დაიწყო, მე სოლიდარული ვიყავი მშვიდობიანი მომიტინგეების მიმართ, მაგრამ პროცესი იმდენად კრიმინალურად განვითარდა, რომ შეიძლებელი იყო სახელმწიფოებრივად მოაზროვნე ადამიანი სოლიდარული ყოფილიყო მათ მიმართ.
ჩემთვის მიუღებელია ნაციონალურ მოძრაობას და ქართულ ოცნებას შორის გამართული ურთიერთბრალდებები, ჩემთვის საინტერესო ობიექტური გამოძიების შედეგები, რათა ზუსტად ვიცოდე, ვინ იდგა ამ კრიმინალური პროცესის უკან, იგივე ნაციონალური მოძრაობა, ქართული ოცნება წარმოდგენილი სუსის სახით თუ რუსული სპეც სამსახურები.
ვრცელდება არაერთი მოსაზრება, არსებობს ეჭვები, თუმცა საზოგადოებას როგორც ყოველთვის, კვლავ არ გვაქვს ზუსტი პასუხი თუ რა ძალები იდგა ამ ვანდალური ფაქტის უკან და გაუგებარია ასევე ისიც, რატომ არ იმოქმედა ძალოვანმა უწყებამ ადეკვატურად, როცა მშვიდობიანი აქცია გარდაიქმნა კრიმინალურ პროცესად. არც ერთ შემდგარ სახელმწიფოში არც ერთი ხელისუფლება არ პატიობს კრიმინალებს ქალაქის დარბევას, ავტომანქანების და ინფრასტრუქტურის გადაწვას. ცხადია, ეს ყველაფერი წინასწარ კარგად დაორგანიზებული გახლდათ.
#ირაკლიღლონტი #პოლიტიკა