14 მარტი, 2017
•საქართველოს პრეზიდენტი ე.წ მოსმენების კანონპროექტთან დაკავშირებით კონსულტაციებს იწყებს.
•ფარული მიყურადების შესახებ კანონპროექტთან დაკავშირებით პრეზიდენტის მიერ ვეტოს შესაძლო გამოყენებას ვიცე პრემიერი გამოეხმაურა.
•მმართველი გუნდისთვის პრეზიდენტის ინიციატივა საერთო საკონსტიტუციო განხილვებთან დაკავშირებით მიუღებელია.
•საერთო სასამართლოების შესახებ საქართველოს ორგანულ კანონში დღეიდან ცვლილებები ამოქმედდება.
•ენერგეტიკის მინისტრი გაზპრომთან გაფორმებული ხელშეკრულების საკითხზე პარლამენტში მისვლის ნაცვლად ,,ევროპულ საქართველოს” სატელევიზიო გადაცემაში დებატებს სთავაზობს.
•ე.წ. მატროსოვის ციხეში ბრალდებული დეკანოზის დაკითხვა დასრულდა.
•გაზეთ ქრონიკა პლიუსის მთავარი რედაქტორის, ელისო კილაძის უფროს შვილს, დავით ხარშილაძეს სისხლის სამართლის კოდექსის 260-ე მუხლით ედება ბრალი, რაც ნარკოტიკული საშუალების შეძენას, შენახვას, დამზადებას, გადაგზავნასა და გასაღებას გულისხმობს.
•ოკუპირებულ აფხაზეთში, გალის რაიონის სოფელ მეორე ოტობაიაში სამი პირი დააკავეს.
•თბილისში, ვეძისის დასახლებაში, ისაკაძის 27 ნომერში მომხდარი ინციდენტის შედეგად ორი მანქანაა დაზიანებული.
•თბილისის სააპელაციო სასამართლომ ,,ადამიანის უფლებათა სწავლებისა და მონიტორინცის ცენტრის” სარჩელი დააკმაყოფილა. არასამთავრობო ორგანიზაცია იუსტიციის უმაღლესი საბჭოს წინააღმდეგ სასამართლოში დაობს.
•,,საერთაშორისო გამჭვირვალობა – საქართველო” საზოგადოებრივი მაუწყებლის აჭარის ტელევიზიისა და რადიოს საქმიანობის შეფასებას დღე წარადგენს.
•თურქეთი ჰოლანდიასთან მაღალ დონეზე დიპლომატიურ კონტაქტებს წყვეტს.
•ჰოლანდიასთან გამწვავებული დიპლომატიური სკანდალის გამო, თურქეთში ევროკავშირთან საიმიგრაციო საკითხზე მიღწეული შეთანხმების გადახედვასაც არ გამორიცხავენ.
•ევროკავშირმა რუსეთის წინააღმდეგ ყირიმის ანექსიისა და აღმოსავლეთ უკრაინის კონფლიქტის გამო დაწესებული სანქციები კიდევ ექვსი თვით, 2017 წლის 15 სექტემბრამდე გაახანგრძლივა.
•საქართველოს პრეზიდენტი კამპანიის “მოითხოვე ქართულის”' ფარგლებში კახეთში ქართულ საწარმოებს ეწვია და საწარმოო პროცესში თავად მიიღო მონაწილეობა.
•12 წარმატებული ქართველი ემიგრანტი უცხო ქვეყნებში ქართული საქმისთვის დაჯილდოვდა.
•საქართველოს პარლამენტის ეროვნულ ბიბლიოთეკაში სომეხი პოეტის დავით შემოქმედელის წიგნების პრეზენტაცია გაიმართა.