აჭარის ჯანდაცვის მინისტრის ზაალ მიქელაძის განცხადებით, აქციის მსვლელობის დროს, სულ 33 ადამიანი შეიყვანეს საავადმყოფოებში, მათგან, 15 სამართალდამცველი.
როგორც მინისტრმა საზოგადოებრივს განუცხადა, მათ ზედაპირული ტრავმები აღენიშნებოდა, რომელიც ბლაგვი საგნებით - ძირითადად, ქვებით იყო მიყენებული.
მიქელაძის თქმით, ამბულატორიული მკურნალობის შემდგომ, ყველა მათგანი გაწერილია.
ასევე, საავადმყოფოები დატოვეს ცრემლსადენი გაზის შედეგად მიყვანილმა პაციენტებმაც, რომელთაც ცრემლდენა და თავბრუსხვევა აღენიშნებოდათ.
მინისტრის თქმით, სტაციონარში მხოლოდ ერთი ადამიანი რჩება, სავარაუდოდ, ტვინის შერყევის დიაგნოზით.
ამ დროისთვის, ბათუმში გაწმენდითი სამუშაოები მიმდინარეობს. სპეციალური დანიშნულების რაზმმა ქალაქში აქციის ათობით მონაწილე დააკავა.