ანაკლიის პორტის გენერალური გეგმა მომზადდა. 50-წლიან გეგმას, რომელიც პორტის ცხრავე ეტაპის განვითარებას მიმოიხილავს, ამ ეტაპზე სამთავრობო კომისია განიხილავს.

გეგმა მოიცავს პროექტის: ეკონომიკური გავლენის შეფასებას, ტვირთბრუნვის გათვლებს, განვითარების ფაზებს და საინვესტიციო მოცულობას.

გენერალურ გეგმაზე მუშაობის პარალელურად, „ანაკლიის განვითარების კონსორციუმმა“ მთავრობას 20 მილიონი დოლარის ოდენობის საბანკო გარანტიაც წარუდგინა.

კომპანია ღრმაწყლოვანი პორტის ტერიტორიაზე სამშენებლო სამუშაოების დაწყებას 2017 წლის მეორე ნახევრიდან გეგმავს. ანაკლიის ნავსადგურის გახსნა და პირველი ფაზის ამუშავება 2020 წელს იგეგმება.