ფინანსთა სამინისტრო საგადასახადო კოდექსში განსახორციელებელ ცვლილებებზე მუშაობას იწყებს.

ცვლილებების მიზანი, საგადასახადო ადმინისტრირების გამარტივება და კოდექსში არსებული ბუნდოვანი მუხლებისა და რეგულაციების დაზუსტებაა. აღნიშნულთან დაკავშირებით, სამინისტროს წარმომადგენლებმა შეხვედრები გამართეს ბიზნესასოციაციის, დამსაქმებელთა ასოციაციისა და ბანკების ასოციაციის წარმომადგენლებთან.

როგორც შეხვედრაზე გადაწყდა, კონკრეტულ შენიშვნებსა და წინადადებებს ბიზნესგაერთიანებები სამინისტროს ერთი კვირის ვადაში წერილობით მიაწვდიან.