დღეს, დილით, ნაციონალურ საკალათბურთო ასოციაციაში, რეგულარული სეზონის სამი შეხვედრა ჩატარდა.

დაძაბული და შედეგიანი გამოვიდა ჩისპეიკ არენაზე გამართული მატჩი, რომელშიც ოკლაჰომა სითი თანდერმა პორტლენდ ტრეილ ბლეიზერსს უმასპინძლა.

თავიდანვე უნდა აღინიშნოს, რომ რასელ უესტბრუკმა საკუთარი კარიერის სარეკორდო მატჩი ჩაატარა. ოქეისის უკანახაზელმა მეტოქეს 58 ქულა ჩაუგდო, თუმცა მისი ბრწინვალე თამაშის მიუხედავად, მასპინძლებმა 121-126 დათმეს მატჩი.

პორტლენდის შემადგენლობაში კრები და ლილიარდი გამოირჩნენ 23 და 22 ქულით. ორივე გუნდი დასავლეთ კონფერენციიდან პლეი-ოფში მოსახვედრად იბრძვის.

ოკლაჰომა ამ ეტაპზე საუკეთესო რვა გუნდში იმყოფება, ხოლო პორტლენდი ჯერჯერობით მეცხრე პოზიციაზეა.