ლორდთა პალატამ ე.წ. ბრექსიტის კანონპროექტში, რომელსაც მანამდე თემთა პალატამ უყარა კენჭი, ახალი შესწორებები შეიტანა.

ლორდთა პალატა მთავრობისგან ევროკავშირიდან გამოსვლის შესახებ შემაჯამებელი დოკუმენტის პარლამენტთან შეთანხმებას მოითხოვს.

რამდენიმე დღის წინ, ლორდთა პალატამ მთავრობისგან ასევე გარანტიები მოითხოვა, რომ ალიანსიდან გამოყოფის შემდეგ, ევროკავშირის მოქალაქეებს დიდ ბრიტანეთში დარჩენის უფლება ექნებათ.

ახლა კანონპროექტი განსახილველად კვლავ თემთა პალატას დაუბრუნდება.