“ქართული შრომის სამართლის საკანონმდებლო და პრაქტიკული გამოწვევები” - კონფერენცია ამ სახელწოდებით თბილისის სახელმწიფო უნივერსიტეტის ორგანიზებით ტარდება. შეხვედრას გუდაური მასპინძლობს.

დისკუსიის მიზანი შრომის სამართლის თანამედროვე პრობლემების განხილვისთვის ნეიტრალური აკადემიური პლატფორმის შექმნა და დიალოგის ხელშეწყობაა.

შეხვედრისთვის მოხსენებები მოამზადეს იურიდიული ფაკულტეტის პროფესორებმა და შრომის საერთაშორისო ორგანიზაციის ექსპერტებმა. კონფერენციაში ასევე მოსამართლეები და პარლამენტის წევრები მონაწილეობენ.