საქართველოს ფოსტა მომხმარებელს ქალაქ რუსთავში განახლებულ სერვისცენტრსა და უნივერსალურ მომსახურებას სთავაზობს.

საქართველოს ფოსტის განახლებული სერვისცენტრი დღეს გაიხსნა. მოსახლეობას უკვე საშუალება აქვს ისარგებლოს როგორც უნივერსალური მომსახურებით, ასევე სხვა საფოსტო პროდუქტებით.

ოფისი მთლიანად აღიჭურვა თანამედროვე ტექნიკითა და ავეჯით. გახსნის ცერემონიას საქართველოს ფოსტის ხელმძღვანელობასთან ერთად ადგილობრივი თვითმმართველობის წარმომადგენლებიც ესწრებოდნენ.