• საქართველოს დღეს ნატოს სამხედრო კომიტეტი ეწვევა. კომიტეტის წევრები თბილისში 14 საათზე ჩამოვლენ.
• იუსტიციის სამინისტრო სტრასბურგის ადამიანის უფლებათა სასამართლოს გადაწყვეტილების მოლოდინშია.
• იუსტიციის სამინისტროს კომისიაში სტრასბურგში წარსადგენ მოსამართლეთა კანდიდატების განაცხადების მიღება გრძელდება.
• არასამთავრობო ორგანიზაცია “კონსტიტუციის 42-ე მუხლი” სასამართლოს დამოუკიდებლობის ხელშემშლელი ფაქტორების შესახებ მომზადებული კვლევის პრეზენტაციას გამართავს.
• საქართველოს საპატრიარქოს ინფორმაციით, წმინდა სინოდის სხდომის თარიღი ჯერ დადგენილი არ არის.
• მეუფე დიმიტრი გუშინ ბრალდებული გიორგი მამალაძის ოჯახის წევრებს შეხვდა.
• გამოიყენებს თუ არა პრეზიდენტი კონსტიტუციით განსაზღვრულ უფლებას და დაადებს თუ არა ვეტოს ე.წ. მოსმენების კანონს.
• არასამთავრობო ორგანიზაციები ადამიანის უფლებათა ევროპულ სასამართლოში სარჩელის წარსადგენად ემზადებიან.
• ფარული საგამოძიებო მოქმედებების შესახებ მიღებულ კანონს არასამთავრობო სექტორი არაკონსტიტუციურს უწოდებს და სტრასბურგის სასამართლოში გასაჩივრებას გეგმავს.
• უზენაესი სასამართლოს დიდი პალატა დღეს რუსთავი 2-ის და ქიბარ ხალვაშის ადვოკატების საკასაციო სარჩელების განხილვას იწყებს.
• 28 მარტიდან საქართველოს მოქალაქეები შენგენის ზონაში უვიზოდ მიმოსვლას შეძლებენ.
• ბელარუსში ოფიციალური ვიზიტით მყოფი საქართველოს პრეზიდენტი და ქართული დელეგაციის წევრები სპორტული კომპლექს „მინსკ არენაზე“ იმყოფებოდნენ.
• დღეს საკონსტიტუციო კომისიის მორიგი შეხვედრა გაიმართება.
• ლარის კურსი დოლართან მიმართებით ექვს ნახევარი თეთრით გამყარდა. დღეიდან ერთი დოლარის ღირებულება 2 ლარი და 48 თეთრი იქნება.
• კონგრესის წარმომადგენლობითი პალატის დაზვერვის კომიტეტი რუსეთის ხელისუფლებასთან დონალდ ტრამპის საარჩევნო შტაბის კავშირებს გამოიძიებს.
• ევროკომისიის პრეზიდენტმა, ჟან კლოდ იუნკერმა ევროპარლამენტს ევროკავშირიდან ბრიტანეთის გასვლის შემდეგ ორგანიზაციის განვითარების 5 სცენარი წარუდგინა.
• რუსეთის სამხედრო-საჰაერო ძალების მფრინავებმა სირიაში ამერიკის მიერ მხარდაჭერილი ამბოხებულების პოზიციები შეცდომით დაბომბეს.
• ბორგარტინის სააპელაციო სასამართლომ ქვემო ინსტანციის გადაწყვეტილება ანდერს ბრეივიკისთვის კომპენსაციის გამოყოფის შესახებ გააუქმა.
•"შესაძლებლობების განვითარება - დიდი ავარიების პრევენცია საქართველოში" - ამ პროექტის ფარგლებში საკანონმდებლო აქტის პროექტი შემუშავდა.
• ახალგაზრდული იდეების კონკურსი დაიწყო. კონკურსი ახალგაზრდული ორგანიზაციების მხარდაჭერას, პროექტების დაფინანსებასა და ახალგაზრდების დასაქმების ხელშეწყობას ისახავს მიზნად.