თებერვალი 27, 2017
მამა გიორგი მამალაძე ჩვენებას, დღეს, დაახლოებით 10 საათსა და 30 წუთზე მისცემს.
ე.წ მატროსოვის ციხეში მას მთავარი საგამოძიებო უწყების და საქმის პროკურორი დაკითხავს.
დეკანოზის ინტერესების დამცველები აცხადებენ, რომ ჩვენების შემდეგ გამოძიება სხვა მიმართულებით წავა. კერძოდ, ადვოკატი ამბობს, რომ მამა გიორგი მამალაძე ისაუბრებს იმის შესახებაც, თუ როგორ და საიდან მოხვდა მის ნივთებში იარაღი, რომელიც სამართალდამცველებმა მისი სახლიდან ამოიღეს.
შეგახსენებთ, რომ ექსპერტიზისთვის უკვე აღებულია დეკანოზის ხმის ნიმუშები და გროვდება ხელწერის ნიმუშებიც.
მამა გიორგი მამალაძის დაკითხვას მისი ადვოკატები ჯერ კიდევ პარასკევს ვარაუდობდნენ, თუმცა მოლოდინის მიუხედავად დეკანოზი არ დაუკითხავთ.
მაჩვენე მეტი