ამერიკული როკ-ჯგუფის „აეროსმიტის“ კონცერტზე დასასწრები ბილეთების გაყიდვა დღეიდან დაიწყო. ბილეთების ელექტრონული შეძენა შესაძლებელია "თიქეთ. ჯი –ზე" და "ბილეთები ჯი-ზე".

"თიქეთ ჯის" ვებგვერდზე მითითებულია რომ ამ დროისთვის "აეროსმიტის" გოლდენ რიგის ყველა ბილეთი გაყიდულია.

რაც შეეხება "ბილეთები ჯის" ვებგვერდს, ის პროფილაქტიკური სამუშაოების გამო რამდენიმე საათით გათიშული იყო.

სოციალური ქსელის მომხმარებლები აღნიშნავენ რომ "აეროსმიტის" ბილეთების გაყიდვა შეფერხებით მიმდინარეობს.

აღნიშნულ ფაქტთან დაკავშირებით კომენტარს არ აკეთებენ ვებგვერდის წარმომადგენლები.