მადრიდის „რეალის“ მეორე მარცხი ესპანეთის პრიმერადივიზიონში. სამეფო კლუბმა, გუშინ, „მესტალიაზე“ ადილობრივ „ვალენსიასთან“ წააგო.

მასპინძლებმა უკვე მეცხრე წუთისთვის სოლიდური ჰანდიკაპი აიღეს, როდესაც მეტოქეს ორი გოლი გაუტანეს.

მეოთხე წუთზე, ელ ჰადადის გადაცემის შემდეგ, ანგარიში ულამაზესი დარტყმით სიმონე ძაძამ გახსნა, ხოლო ხუთ წუთში თავი ფაბიან ორელანამაც გამოიჩინა.

მადირდელებმა პირველი ტაიმის მიწურულს, ერთი ბურთი გაქვითეს. გოლის ავტორი კრიშტიანო რონალდო გახლავთ.

თამაშის მეორე ნახევარში არაერთი მომენტის მიუხედავად, აღარაფერი შეცვლილა და ვალენსიელების მნიშვნელოვანი გამარჯვება დაფიქსირდა.

ამ წარმატების შემდეგ, ღამურების აქტივში 26 ქულაა და ეს გუნდი მე-14 ადგილზეა. რეალი კი მარცხის მიუხედავად კვლავ ლა ლიგის ლიდერია 52 ქულით.