საპატრიარქოში უთანხმოება მწვავდება. მამა მიქაელ ბოტკოველმა კათოლიკოს-პატრიარქის მდივნის პოსტი დატოვა. გადაწყვეტილების მიზეზი ილია მეორის დაცვის უფროსია, რომელმაც მამა მიქაელი სიცრუეში დაადანაშაულა.
სოსო ოხანაშვილი სასულიერო პირის იმ განცხადებამ გააღიზიანა, რომლის მიხედვით, პატრიარქის უსაფრთხოების სამსახურის ხელმძღვანელი ბოლო დღეებში საპატრიარქოში არ იმყოფებოდა. ამ კომენტარის შემდეგ გაჩნდა ეჭვი ოხანაშვილის შესაძლო გადადგომის შესახებ.
თავად დაცვის უფროსი ამ ინფორმაციას არ ადასტურებს, თუმცა უახლოეს დღეებში ბრიფინგის მოწყობას და საკუთარი გადაწყვეტილების გამოცხადებას აანონსებს.
შეგახსენებთ, რომ მკვლელობის მომზადებაში ბრალდებული დეკანოზის საქმეზე ოხანაშვილი უკვე დაკითხულია და გაუთქმელობის ვალდებულებაზე ხელიც აქვს მოწერილი.
მამა მიქაელ ბოტკოველი არ არის ერთადერთი, რომელსაც დაცვის უფროსთან უთანხმოება აქვს. ჯერ კიდევ დეკემბერში გამართული სინოდის სხდომის წინ მეუფე იაკობი სოსო ოხანაშვილს სამსახურიდან გაშვებით ემუქრებოდა.
საპატრიარქოში დღეს განვითარებულ მოვლენებს რატი ხვისტანი ადევნებს თვალს.