ჩვენების მიცემამდე, მამა გიორგი მამალაძის პოზიცია უკვე გააცნეს საპატრიარქოს.

ადვოკატებს, დღეს, სინოდის წევრებმა მოუსმინეს. მათ შორის იყო მეუფე პეტრე, რომელმაც მანამდე დაკავებულ დეკანოზთან პირისპირ შეხვედრა სცადა, თუმცა ჭყონდიდელი მიტროპოლიტი ციხეში არ შეუშვეს.

მეუფე დეკანოზის საქმის გამოძიების ხელის შეშლის მცდელობაზე საუბრობს, მისი კრიტიკის მთავარი ობიექტი კი ისევ პატრიარქის მდივან-რეფერენტი შორენა თეთრუაშვილია, რომელსაც მიტროპოლიტი საპატრიარქოს ირგვლივ განვითარებული მოვლენების მთავარ შემოქმედად და დამნაშავედ მოიხსენიებს.