• დეკანოზი გიორგი მამალაძე პროკურატურაში ჩვენების მიცემას აპირებს.
• შორენა თეთრუაშვილს პროკურატურაში სავარაუდოდ დღეს დაკითხავენ. საგამოძიებო უწყებას პატრიარქის მდივან-რეფერენტთან კითხვები დეკანოზ გიორგი მამალაძის საქმესთან დაკავშირებით აქვს.
• გვიან ღამით უწმინდესი მისმა ექიმმა მოინახულა.
• დეკანოზ გიორგი მამალაძის საქმესთან დაკავშირებით კითხვები აქვთ საპარლამენტო უმცირესობაში.
• ქართველი მფრინავი სოსო ოსურაული თითქმის ერთი თვეა კონგოელი მეამბოხეების ტყვეობაში იმყოფება. საკითხზე დამატებით დეტალებს საგარეო საქმეთა სამინისტრო არკვევს.
• ქობულეთში, სოფელ ოჩხამურში მამაკაცის ცხედარი იპოვეს. შინაგან საქმეთა სამინისტროში განმარტავენ, რომ გარდაცვლილი დაკარგული მონადირეა, რომელიც დაახლოებით ერთი თვის წინ გაუჩინარდა.
• თბილისს ორდღიანი ოფიციალური ვიზიტით დღეს სომხეთის რესპუბლიკის პრემიერ-მინისტრი ეწვევა.
• ფარული მიყურადების შესახებ კანონპროექტს აკრიტიკებენ ოპოზიციონერი დეპუტატები.
• "ეს შენ გეხებას" წევრები ფარული მიყურადების შესახებ არსებულ კანონპროექტს არ ეთანხმებიან. მათი თქმით, კანონპროექტის მიხედვით წვდომა მოსმენებზე კვლავ სუსის დაქვემდებარე რჩება.
• საპარლამენტო ოპოზიცია კანონით გათვალისწინებული კვოტის გამოყენებას გეგმავს და საპროკურორო საბჭოში თავის წარმომადგენელს წარადგენს.
• ფოთში "ნადირობის შესახებ" კანონპროექტის განხილვა ხმაურის ფონზე მიმდინარეობდა.
• ერთიანი ეროვნული გამოცდებისა და სტუდენტთა საგრანტო კონკურსისთვის რეგისტრაცია დღეს იწყება.
• აზერბაიჯანის პროკურატურამ ევროპარლამენტის დეპუტატებზე საერთაშორისო ძებნა გამოაცხადა.
• ევაკუაცია პარიზში. სამართალდამცველებმა ერთ-ერთ უმსხვილეს სავაჭრო ცენტრში ქვაბში დამონტაჟებული ასაფეთქებელი მოწყობილობა აღმოაჩინეს.
• საფრანგეთის პოლიციამ ევროკავშირის სახსრების არამიზნობრივი გამოყენების საქმეზე ეროვნული ფრონტის ლიდერის, საპრეზიდენტო კანდიდატის, მარინ ლე პენის საარჩევნო კამპანიის ხელმძღვანელი და დაცვის წევრი დააკავა. დაკავებამდე კატრინ გრიზე და ტიერი ლეჟიე პოლიციამ დაკითხა.
• ჩრდილოეთ დაკოტაში ნავთობსადენ ”დაკოტა ექსესის” მშენებლობის წინააღმდეგ გაშლილი კარვების ქალაქი დაცლილია.
• შეერთებული შტატებიდან მექსიკაში მესამედ დეპორტირებულმა მამაკაცმა სასაზღვრო გამშვებ პუნქტთან თავი მოიკლა.
• ნასამ დედამიწის მსგავსი შვიდი ახალი პლანეტის აღმოჩენის შესახებ განაცხადა.
• გარემოსა დაცვის მინისტრის მოადგილემ პლასტიკის პარკების მწარმოებლებსა და სავაჭრო ობიექტების წარმომადგენლებს საქართველოში პლასტიკის პარკების წარმოებასთან, იმპორტთან და რეალიზაციასთან დაკავშირებით ნორმატიული აქტის პროექტი გააცნო.
• სოფელ ოზურგეთში ახალი საბავშვო ბაღი გაიხსნა. ბაღი ოზურგეთის მუნიციპალიტეტის გამგებელმა მერაბ ჭანუყვაძემ საკრებულოს თავმჯდომარესთან ერთად გახსნა.