სამართალდამცველების მიერ ჩატარებული მორიგი საპოლიციო კონტროლის დროს, სისხლის სამართლის 80 და ადმინისტრაციულ სამართალდარღვევათა 1182 ფაქტი გამოვლინდა.

ქვეყნის მასშტაბით გამოვლენილია ცეცხლსასროლი იარაღის მართლსაწინააღმდეგო შეძენა-შენახვისა და ტარების 21 ფაქტი, ნარკოტიკების უკანონო შეძენა-შენახვა-გასაღების 15 ფაქტი, ქურდობის 11 ფაქტი, ძალადობის 5 ფაქტი და ცივი იარაღის ტარების 2 შემთხვევა.

სამართალდამცველებმა 2 ძებნილი პირი დააკავეს. საპოლიციო კონტროლის მიმდინარეობისას, პოლიციამ უკანონო ბრუნვიდან ამოიღო სხვადასხვა სახის ცეცხლსასროლი იარაღი და საბრძოლო მასალა. ასევე, ამოღებულია სხვადასხვა სახის ნარკოტიკული საშუალება.