„საქართველოს პატრიოტთა ალიანსი” ითხოვს ელექტრონული პირადობის მოწმობების პარალელურად, მოქალაქეებს ჰქონდეთ შესაძლებლობა, აირჩიონ პირადობის დამადასტურებელი საბუთი, რომელიც არ იქნება ელექტრონულის მატარებელი. ამის შესახებ საგანგებო ბრიფინგზე პარტიის დამფუძნებელმა ისაუბრა.

დავით თარხან-მოურავის თქმით, მათ ამ მოთხოვნით უკვე მიმართეს საქალაქო სასამართლოს, რომელიც თავის გადაწყვეტილებას 28 თებერვალს გამოაცხადებს.

დავით თარხან-მოურავის თქმით, ის რომ ელექტრონული მატარებლის გარეშე მოწმობები აღარ გაიცემა, ეს ადამიანის უფლებების დარღვევაა, რადგან კანონში წერია, რომ მოქალაქეს აქვს არჩევის საშუალება, თავად აირჩიოს, იყოს თუ არა მისი პირადობის დამადასტურებელი მოწმობა ელექტრონული მატარებელი.