7 წლის შემდეგ მთავარი პროკურატურა გახმაურებული საქმის ერთ-ერთ ფიგურანტს უდანაშაულოდ აცხადებს. საუბარია 2010 წელს სპეც-ოპერაცია ,,ენვერის” დროს დაკავებულ და რუსეთის სასარგებლოდ ჯაშუშობაში ბრალდებულ ბიზნესმენზე.

შოთაძის უწყება ხელახლა ჩატარებული გამოძიების შემდეგ ამბობს, რომ ბაკურ კიღურაძე უკანონოდ იხდიდა სასჯელს.

2013 წელს პოლიტპატიმრის სტატუსით გათავისუფლებული ბიზნესმენი მის წინააღმდეგ წარდგენილ მძიმე ბრალდებას ბიზნესსაქმიანობით და წინა ხელისუფლების ინტერესებით ხსნის. მისი საქმის გადასინჯვა ახლა სააპელაციო სასამართლოს მოუწევს.