11 წლის შემდეგ შეცვლილი ვერდიქტი: გახმაურებული მკვლელობისთვის მსჯავრდებული გია გვიჩიანი და ნიკოლოზ ჩემია თავისუფლები არიან. სააპელაციო სასამართლომ ორივე მათგანი უდანაშაულოდ გამოაცხადა. მიზეზი, მთავარი პროკურატურის მიერ ჩატარებული ხელახალი გამოძიება და ახალი მტკიცებულებებია, რომელთა საფუძველზე საგამოძიებო უწყებამ 2006 წელს დაკავებულთა ბრალეულობა გამორიცხა.

გამართლებული გვიჩიანი ყოფილი ხელისუფლების მაღალჩინოსანთა ინტერესებზე საუბრობს, თუმცა პროკურატურას უნდობლობას უცხადებს 2003 წელს მოკლული ნიკა ლომინაძის ოჯახი, რომელიც სასამართლოს დღევანდელი გადაწყვეტილებით უკმაყოფილოა.

14 წლის შემდეგ „ეი-ეს-თელასის“ ფინანსური დირექტორის მკვლელის დასადგენად გამოძიება თავიდან იწყება.