მსუბუქი ავტომობილისა და მიკროავტობუსის შეჯახების შედეგად, მიკროავტობუსი ამოტრიალდა. შემთხვევის შედეგად, ერთი ადამიანი მსუბუქად დაშავდა, მას ადგილზე აღმოუჩინეს დახმარება.

მსუბუქ ავტომობილში სამი, ხოლო სამარშრუტო ტაქსიში ორი ადამიანი იმყოფებოდა. შემთხვევის შედეგად მსუბუქ ავტომობილში მსხდომთაგან არავინ დაშავებულა.

შსს-ს ცნობით, საქმეზე გამოძიება სისხლის სამართლის კოდექსის 276-ე მუხლის პირველი ნაწილით დაიწყო, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც გამოიწვია ჯანმრთელობის ნაკლებად მძიმე დაზიანება. ადგილზე ამ დრომდე რჩებიან საპატრულო პოლიციის ეკიპაჟები.