გრძელდება მიუნხენის უსაფრთხოების რიგით 53-ე კონფერენცია. საქართველოს დელეგაციას კონფერენციაზე პრემიერმინისტრი ხელმძღვანელობს.

დღის წესრიგშია ტრანსატლანტიკური ურთიერთობებისა და ნატოს მომავალი; ევროპის სახელმწიფოებს შორის თავდაცვისა და უსაფრთხოების სფეროში თანამშრომლობა; რუსეთთან ურთიერთობა და სირიაში მიმდინარე მოვლენები.

კონფერენციის ფარგლებში დღეს გიორგი კვირკაშვილის მოხსენებით გამოსვლაა დაგეგმილი. გათვალისწინებულია ასევე ორმხრივი შეხვედრები.

მიუნხენის 53-ე კონფერენციას 30-ზე მეტი სახელმწიფოს მთავრობის მეთაური და 80-ზე მეტი საგარეო საქმეთა და თავდაცვის მინისტრი ესწრება.