დღეს, დილით, ნაციონალურ საკალათბურთო ასოციაციაში დიდი ტური იყო. გაიმართა 14 შეხვედრა. ერთ-ერთი საინტერესო და გამორჩეული შეხვედრა შედგა ჰიუსტონში, სადაც ადგილობრივმა „როკეტსმა“ „მაიამი ჰიტს“ უმასპინძლა.

აღსანიშნავია, რომ სტუმრებმა თავიდანვე მოიპოვეს სოლიდური უპირატესობა. ფლორიდელებმა ტაიმი 21 ქულის სხვაობით მოიგეს. მასპინძლებმა დარჩენილ დროში ბოლომდე იბრძოლეს, თუმცა მატჩის მოტრიალება ვეღარ შეძლეს და 109-117 წააგეს.

„მაიამის“ შემადგენლობაში მორიგი ორმაგი დუბლი შეასრულა ჰასან უაიტსაიდმა, რომელმაც 23 ქულა და 14 მოხსნა გააკეთა.

„როკეტსში“ გუნდის ლიდერი ჯეიმს ჰარდენი იყო საუკეთესო, რომელმაც 38 ქულა, 14 მოხსნა და 14 შედეგიანი პასი მიითვალა აქტივში.

ჰიუსტონელები დასავლეთ კონფერენციაში მესამე ადგილზე არიან. „მაიამი ჰიტი“, აღმოსავლეთში ამ ეტპაზე მეათე პოზიციაზეა, თუმცა პლეი-ოფში მოხვედრის შანსს ინარჩუნებს.