იუსტიციის სამინისტრომ საარჩევნო სიის დახვეწის პროექტის ფარგლებში, პირადობის მოწმობის უფასოდ გაცემის აქცია დაიწყო.

იმისათვის, რომ საქართველოს ნებისმიერ მოქალაქეს არ შეეზღუდოს არჩევნებში ხმის მიცემის უფლება, დოკუმენტის გაცემისას მოქალაქეები თავისუფლდებიან, როგორც საბუთის, ასევე ფოტოსურათის გადაღებისთვის დაწესებული საფასურის გადახდისგან.

აქცია შეეხება სრულწლოვან და იმ პირებს, რომელთაც აქციის დასრულებამდე 18 წელი უსრულდებათ.

აქცია 15 თებერვალს დაიწყო და 31 ოქტომბრამდე გაგრძელდება.