ევროპარლამენტმა დროებითი შეჩერების მექანიზმზე ყველა საჭირო პროცედურა დაასრულა და რეფორმირებული რეგულაცია დაამტკიცა.
წევრი ქვეყნები საჭირო პროცედურებს თვის ბოლომდე დაასრულებენ, რის შემდეგაც დროებითი შეჩერების მექანიზმი ამოქმედდება.
ძალაში რჩება საქართველოსთვის მიცემული დაპირება, რომ ქვეყანა ევროკავშირთან უვიზო მიმოსვლას უახლოეს პერიოდში მიიღებს.
ევროპარლამენტში საქართველოს საკითხზე მომხსენებელმა მარია გაბრიელმა „მოამბეს" დაუდასტურა, რომ ევროპულ საბჭოში საქართველოსთვის უვიზო რეჟიმის მინიჭების საკითხზე ბოლო შეხვედრა 22 თებერვალს გაიმართება.
მისივე ინფორმაციით, საქართველოსთვის უვიზო რეჟიმის მინიჭებასთან დაკავშირებით მიღებულ გადაწყვეტილებას ოფიციალურად ხელი პირველ ან ორ მარტს მოეწერება.
ევროპარლამენტმა საქართველოსთვის უვიზო რეჟიმის მინიჭებას მხარი 2 თებერვალს დაუჭირა.