გერმანიაში დღეს ახალ პრეზიდენტს ირჩევენ. არჩევნებში მონაწილეობას სულ ხუთი კანდიდატი იღებს, თუმცა გერმანული მედიის ინფორმაციით, გამარჯვების დიდი შანსი ყოფილ საგარეო საქმეთა მინისტრს, ფრანკ-ვალტერ შტაინმაიერს აქვს. ქვეყნის კანონმდებლობით, პრეზიდენტი ფედერალურმა საკრებულომ უნდა აირჩიოს. მათი ნაწილი ბუნდესტაგის დეპუტატები არიან, ნაწილს კი ფედერალური მიწების ხელმძღვანელები წარმოადგენენ. იმ შემთხვევაში თუ კანდიდატი 1260-დან 631 ხმის მიღებას შეძლებს, გამარჯვებული პირველივე ტურში გამოვლინდება.