რაგბის ევროპის ჩემპიონატის პირველი ტურის მატჩში, საქართველოს მორაგბეთა ეროვნულმა ნაკრებმა, ბელგიის ნაკრებთან ანგარიშით 31:6 გაიმარჯვა.

პირველი ტაიმი ბორჯღალოსანთა უპირატესობით, ანგარიშით 17 – 0 დასრულდა. ლელოები თხილიაშვილმა და კოშაძემ დადეს, ხოლო დამატებითი ქულები ნაკრებს მერაბ კვირიკაშვილის ზუსტმა საჯარიმო ქულებმა მოუტანა.

შეხვედრის მეორე ნახევარში კი მსაჯის გადაწყვეტილებით, საქართველოს ნაკრების სასარგებლოდ ტექნიკური ლელო ჩაითვალა.

მომდევნო მატჩს მორაგბეები 19 თებერვალს, გერმანიის წინააღმდეგ გამართავენ.