მიიღებს თუ არა წარმოებაში საკონსტიტუციო სასამართლო ხუთი რელიგიური გაერთიანების სარჩელს - საკითხზე სასამართლოს პირველი კოლეგია ჯერ ისევ მსჯელობს.

რელიგიური ორგანიზაციები იმ ნორმების არაკონსტიტუციურად ცნობას მოითხოვენ, რომლებიც რელიგიურ უმცირესობათა გაერთიანებებისთვის საგადასახადო სფეროში უთანასწორო და დისკრიმინაციულ გარემოს ქმნის. კერძოდ, როგორც მოსარჩელე მხარე განმარტავს, სადავო ნორმები, მართლმადიდებელი ეკლესიისგან განსხვავებით, სხვა რელიგიურ გაერთიანებებს დღგ-ს, მოგებისა და ქონების გადასახადის გადახდას ავალდებულებს.