დაახლოებით ერთ საათში საქართველოს საგარეო საქმეთა მინისტრი შეერთებული შტატების სახელმწიფო მდივანს რექს ტილერსონს შეხვდება.
შტატებში მიხეილ ჯანელიძის ვიზიტი გრძელდება. შეხვედრაზე განხილვის თემები იქნება 2 ქვეყნის ურთიერთობა და თანამშრომლობის გაღრმავება, სამომავლო პარტნიორობა, უსაფრთხოება და ოკუპირებული ტერიტოიები.
მანამდე მიხეილ ჯანელიძე უსაფრთხოების საკითხებში ამერიკის პრეზიდენტის მრჩეველს გენერალ მაიკლ ფლინს შეხვდა.
შეხვედრაზე საქართველო-ამერიკის სტრატეგიული პარტნიორობის საკითხები განიხილეს. გენერალმა ფლინმა განსაკუთრებით აღნიშნა საქართველოს მნიშვნელოვანი წვლილი ევრო-ატლანტიკური უსაფრთხოების პროცესში. ხაზი გაუსვა რომ საქართველო მნიშვნელოვანი პარტნიორია შეერთებული შტატებისთვის არა მხოლოდ რეგიონში, არამედ გლობალურად, როდესაც საკითხი საერთაშირისო გამოწვევებსა და უსაფრთხოებას ეხება.