ე.წ. ფარული მოსმენების კანონპროექტის პირველი მოსმენა პარლამენტში დაპირისპირების ფონზე მიმდინარეობდა.

დეპუტატებმა თითქმის მთელი დღე ჯერ კომიტეტებში და შემდეგ სესიაზე სწორედ ამ საკითხის განხილვას დაუთმეს.

ახალი საკანონმდებლო პაკეტი უმრავლესობის მომზადებულია. ოპოზიცია ამბობს, რომ ახალი მოდელი არსებულ სისტემაზე უარესია და საკონსტიტუციო სასამართლოს მოთხოვნებს ვერ პასუხობს.

ეს მოსაზრება აქვთ არასამთავრობო სექტორს და სახალხო დამცველსაც. მიუხედადავად იმისა, რომ საკანონმდებლო პაკეტი არაერთ ცვლილებას ითვალისწინებს, მათ შორის ზედამხედველი მოსამართლის ჩართვას და კონტროლის სხვა მექანიზმების ამოქმედებას, მთავარი აქცენტი კეთდება და კრიტიკას მაინც ახალი სააგენტოს შექმნა იმსახურებს.