პარლამენტის თავმჯდომარე, საკანონმდებლო ორგანოს მთავარ გამოწვევად კანონშემოქმედებითი და საზედამხედველო ფუნქციის სისუსტეს ასახელებს და ინსტიტუციური გაძლიერების აუცილებლობაზე საუბრობს.
ირაკლი კობახიძემ დღეს საშემოდგომო სესიის ანგარიში წარმოადგინა და აღნიშნა, რომ მეცხრე მოწვევის პარლამენტს კარგი სტარტი ჰქონდა.
მისი თქმით, პოლარიზებული პოლიტიკური გარემოს მიუხედავად, მიხერხდა პარლამენტის შიგნით ურთიერთობების ჯანსაღ გარემოში განვითარებისათვის საფუძვლის ჩაყრა.
კობახიძის თქმით, სამართლიანად გადანაწილდა საპარლამენტო თანამდებობები. საშემოდგომო სესიის ფარგლებში,თვენახევრის განმავლობაში 7 საკანონმდებლო პაკეტი და 44 დამოუკიდებელი კანონი მიიღეს,ასევე მოხდა 13 საერთაშორისო ხელშეკრულების რატიფიცირება.
ირაკლი კობახიძემ დღესვე საკონსტიტუციო კომისიის მუშაობაზე ისაუბრა და მას უპრეცედენტოდ ქმედითი უწოდა.