2004 წელს მომხდარი მკვლელობა მთავარმა პროკურატურამ გახსნილად 2016 წელს გამოაცხადა. მარიკა ლორთქიფანიძის შვილიშვილისა და გიორგი ოთხმეზურის შვილის, 18 წლის დავით ოთხმეზურის მკვლელობისთვის დააკავეს ასლან ბეჟანიძე, რომელიც 9 თვიანი პატიმრობის შემდეგ თბილისის სასამართლომ უდანაშაულოდ ცნო. განაჩენით უკმაყოფილოა გარდაცვლილის ოჯახი. პროკურატურამ კასაცია შეიტანა, თუმცა არ აღიარებს, რომ მისმა წარმომადგენლებმა ვერ შეძლეს მძიმე ბრალდების დასაბუთება და პროცესზე ცრუ მოწმეები მოიყვანეს.