„მოსწავლეზე ორიენტირებული სასწავლო გარემო - სწავლებისა და შეფასების სტრატეგიები", - პედაგოგების გადამზადება გრძელდება. ზოგადპროფესიული უნარების კურსის მეორე მოდულს ქვეყნის მასშტაბით 9200 მასწავლებელი გაივლის. ტრენინგები 20-ზე მეტ ქალაქში მდებარე პროექტის პარტნიორ სკოლებში გაიმართება. გადამზადების პროცესში ამჯერად მეშვიდე-მეთორმეტე კლასების მათემატიკის, ქიმიის, ფიზიკის, ბიოლოგიის, გეოგრაფიისა და ინგლისურის ენის პედაგოგები ჩაერთვებიან, რომელთაც ტრენინგი ზოგადპროფესიული უნარების კურსის პირველი მოდულის მიხედვით უკვე გაიარეს.