ამ წუთებში საპროტესტო აქცია მიმდინარეობს ბათუმის შაჰინის სახელობის თურქულ სკოლა- ლიცეუმში. მოსწავლეთა მშობლები და პედაგოგები სასწავლებლისთვის ავტორიზაციის შესაძლო შეჩერებას აპროტესებენ.
ნაწილის მტკიცებით კი ავტორიზაციის გაუქმებასთან დაკავშირებით გადაწყვეტილება უკვე მიღებულია. აქციაზე შეკრებილები ამბობენ რომ სასწავლებლის შესანარჩუმებლად სამართლებრივ დავას წამოიწყებენ.
ლიცეუმის ხელმძღვანელობა მიმართავს პრემიერს, სახალხო დამცველსა და განათლების მინისტრს რომ კონტროლზე აიყვანოს არსებული სიტუაცია და დაიცვან სკოლის 340 მოსწავლისა და მათი პედაგოგების უფლებები.
შაჰინის სკოლისთვის ავტორიზაციის გაუქმების შესახებ ინფორმაციას ადასტურებენ განათლების ხარისხის მართვის ეროვნულ ცენტრში. მათი ინფორმაციით, შაჰინის სკოლას ჰქონდა რამდენიმე დარღვევა და მათ შორის ერთერთი მთავარი იყო მოსწავლეთა მიღების საკითხი, რის გამოც ცენტრმა გადაწყვეტილება მიიღო.
ოქმი გადაწყვეტილების შესახებ სკოლას 10 დღის ვადაში გაეგზავნება, რაც შეეხება მოსწავლეებს ისინი მობილობის პრონციპით სხვა სკოლებში გადანაწილდებიან – აცხადებენ ხარისხის ცენტრში.