ეუთოს თავმჯდომარის ვიზიტი საქართველოში დასრულდა. ავსტრიის საგარეო საქმეთა მინისტრს სებასტიან კურცს გიორგი მარგველაშვილი შეხვდა.
განსახილველ საკითხთა შორის იყო როგორც ეუთოს დღის წესრიგი, ასევე საქართველო-ავსტრიის ორმხრივი ურთიერთობების გაღრმავება.
ყურადღება გამახვილდა ასევე, უსაფრთხოების პრობლემებზე და საქართველოს ოკუპირებულ ტერიტორიებზე შექმნილ ვითარებაზე, ასევე, ქვეყნებს შორის ორმხრივი ეკონომიკური თანამშრომლობის პერსპექტივებზე.
ოკუპირებული ტერიტორიები იყო განხილვის მთავარი თემა პრემიერთან შეხვედის დროსაც. მხარეებმა რუსეთ-საქართველოს კონფლიქტის მშვიდობიანად მოგვარების პროცესში ეუთო-ს როლზე ისაუბრეს..
სებასტიან კურცმა გიორგი კვირიკაშვილს ევროპარლამენტის მიერ ვიზის ლიბერალიზაციისადმი მხარდაჭერა მიულოცა.
ავსტრიის საგარეო საქმეთა მინისტრი შიდა ქართლში დევნილთა დასახლებაშიც იმყოფებოდა, მანამდე კი ის ქართველ კოლეგას მიხეილ ჯანელიძეს შეხვდა.