გოლდენ სტეიტის მორიგი გამარჯვება ენ-ბი-ეის რეგულარულ სეზონში. უორიორზმა ამჯერად ლოს ანჯელეს კლიპერსი სტუმრად დაამარცხა.

ოკლენდელების შემდაგენლობაში, კვლავ არ უთამაშია ზაზა ფაჩულიას. საქართველოს ნაკრების კაპიტანს მცირე ტრავმა აწუხებს და მოედანს უახლოეს დღეებში დაუბრუნდება.

რაც შეეხება უშუალოდ შეხვედრას, ის სტუმართა უპირატესობით წარიმართა და საბოლოოდ მათი გამარჯვებით, ანგარიშით 133-120 დასრულდა. სტივ კერის გუნდში სამმაგ დუბლთან ახლოს იყო კევინ დურანტი, რომლის ანგარიშზეც, 26 ქულა 10 პასი და 8 მოხსნა დაფიქსირდა.

29 ქულა და 11 შედეგიანი გადაცემა გააკეთა სტეფ კარიმ. კლიპერსს, 31 ქულით და 8 მოხსნით, ბლეიკ გრიფინმა ულიდერა. გოლდენ სტეიტ უორიორზი დასავლეთ კონფერენციას კვლავ დამაჯერებლად ლიდერობს. რაც შეეხება კლიპერსს, კალიფორნიული გუნდი ამ ეტაპზე მეოთხე ადგილზეა