დიდ ბრიტანეთში, ცნობილი ფინანსური ინსტიტუტის, „ჰალიფაქს-სქოტლენდ ბანკის“ ექვსი თანამშრომელი დააპატიმრეს 245 მილიონი გირვანქა სტერლინგის მოცულობის სესხის მაქინაციის გამო, რის შედეგადაც უამრავი მცირე ბიზნესი გაკოტრდა და დაზარალდა. გაკოტრებული ბიზნესების აქტივების ნაწილი კი მაქინატორებმა დაისაკუთრეს. ბრიტანული მედიის ინფორმაციით, დანაშაულებრივმა ჯგუფმა 2002-2007 წლებში მაქინაციების, ფულის გათეთრების, ქრთამისა და კლიენტების მოტყუების გზით, ბანკიდან მათ თანამზრახველ ბიზნესის საკონსულტაციო კომპანიაში, თანხების გადაქაჩვა მოახდინეს.