ღამით ავდეევკაში სროლის ხმა ისევ ისმოდა. გავრცელებული ინფორმაციით, ამჯერად იერიში სკოლაზე და მოედანზე მიიტანეს, შედეგად დაღუპულია 7 ადამიანი, რამდენიმე მძიმედ დაშავდა, მათ შორის არიან მშვიდობიანი მოქალაქეები.

ამ დრომდე უცნობია, ვინ განახორციელა სკოლასა და მოედანზე იერში. გარდა ამისა, ღამის განმავლობაში ვრცელდებოდა ინფორმაცია, რომ დონბასში მძიმე შეირაღება შეიყვანეს. კონფლიქტის მხარეები მდგომარეობის დაძაბვაში ერთმანეთს ადანაშაულებენ.

აღმოსავლეთ უკრაინაში ვითარების გამწვავებას რუსეთის პრეზიდენტი გამოეხმაურა. მისი განცხადებით, კიევი, რომელსაც ფული სჭირდება, ცდილობს საკუთარი თავი საერთაშორისო საზოგადოების თვალში მსხვერპლად წარმოაჩინოს.