• ევროპარლამენტის ვებ გვერდზე კენჭისყრის შედეგები უკვე გამოქვეყნებულია.
• რა არის საჭირო შენგენის ზონაში უვიზოდ მოგზაურობისათვის?
• უვიზოდ მოგზარუბის პროდურებსა და ყველა საჭირო დოკუმენტაციაზე ჩვენ დეტალურ ინფორმაციას რამდენიმე წუთში მოგაწვდით, საგარეო საქმეთა მინისტრის მოადგილე იქნება ჩვენი სტუმარი, მანამდე კი საგარეო საქმეთა სამინისტროში ტურისტულ კომპანიებთან და ავიაკომპანიების წარმომადგენლებთან უვიზო მიმოსვლის საკითხებზე შეხვედრა გაიმართა.
• საქართველოს ოფიციალური ვიზიტით ეუთო-ს მოქმედი თავმჯდომარე, ავსტრიის რესპუბლიკის ევროპის, ინტეგრაციისა და საგარეო საქმეთა ფედერალური მინისტრი სებასტიან კურცი ეწვია.
• დღეს ერგნეთში ინციდენტების პრევენციისა და მათზე რეაგირების მექანიზმის მორიგი შეხვედრა გაიმართება.
• სასამართლო სისტემის რეფორმირების ე.წ. მესამე ტალღა და კანონპროექტზე დადებული ვეტო - გიორგი მარგველაშვილი დღეს ამ საკითხებზე პარლამენტის ფრაქციების ლიდერებს, ვიცე-სპიკერებსა და არასამთავრობო ორგანიზაციებს შეხვდება.
• ფარულ მოსმენა-მიყურადებასთან დაკავშირებული საკანონმდებლო პროექტი მზად არის და ის პარლამენტში უახლოეს დღეებში დარეგისტრირდება.
• აიდიეფაიმ სატელეფონო ფარული მიყურადების და ფარული საგამოძიებო მოქმედებების 2016 წლის სტატისტიკური მონაცემები გამოაქვეყნა.
• გია ცერცვაძის სასამართლოს პროცესი დღეს აღარ გაიმართება.
• მთავარმა პროკურატურამ უზენაესი სასამართლოს მოსამართლეების მიმართვის საფუძველზე, რაც მათ საქმიანობაში უხეში ჩარევის შესაძლო ფაქტებს ეხება, გამოძიება დაიწყო.
• "საქართველოს ახალგაზრდა იურისტთა ასოციაცია" გაზის ტრანსპორტირების კომპანიას მიმართავს და ინფორმაციის მიღებას ითხოვს.
• უშედეგოდ დასრულდა რუსთავის მერიის სხდომათა დარბაზში გამართული შეხვედრა, რომელსაც პროფკავშირების, ჯანდაცვის სამინისტროს შრომისა და დასაქმების პოლიტიკის დეპარტამენტის ხელმძღვანელი და სააქციო საზოგადოება "აზოტის" გენერალური დირექტორის მოადგილე ესწრებოდნენ.
• დღეს დედაქალაქის საკრებულოს სხდომა გაიმართება. დეპუტატები 36 საკითხს განიხილავენ. მათ შორისაა თბილისის მუნიციპალიტეტის გენდერული სტრატეგია და მიწათსარგებლობის გენერალური გეგმა.
•"ევროპული საქართველოს" ლიდერები ზუგდიდში რაიონულ საავადმყოფოში მოშიმშილე დევნილებს ადგილზე კარავში შეხვდნენ. მათ მოინახულეს ის ხუთი ადამიანი, ვინც პროტესტის ნიშნად პირი ამოიკერა.
• ამერიკის სეერთებულ შტატებში დელავერის შტატის ქალაქ სმირნას ციხეში მომხდარი ბუნტის შედეგად ერთი ადამიანი დაიღუპა. პოლიციამ მძევლების გათავისუფლება შეძლო. ციხის პატიმრებმა ოთხშაბათს მძევლად ოთხი ადამიანი აიყვანეს.
• ქალაქ ადეევკაში სროლის ხმა ისევ ისმოდა.
• ბრიტანეთის მთავრობამ ქვეყნის ევროკავშირიდან გასვლის თაობაზე გეგმა გამოაქვეყნა.
• დონალდ ტრამპმა ავსტრიის პრეზიდენტს ტელეფონი გაუთიშა. ამ ინფორმაციას ვაშინგტონ პოსტი ავრცელებს.
• რუსეთის პრეზიდენტმა 16 გენერალი თანამდებობიდან გაათავისუფლა.