ევროკომისიამ, ევროსაბჭომ და ევროპარლამენტმა საბოლოოდ მიაღწიეს შეთანხმებას ევროკავშირის ფარგლებში როუმინგის ფასის ზედა ზღვარის განსაზღვრის თაობაზე - ეს ნაბიჯი ქმნის წინაპირობას ევროკავშირის გადაწყვეტილების აღსრულებისკენ, რომ წელს 15 ივნისიდან ევროკავშირის მასშტაბით როუმინგი უფასო გახდეს.

ევროკომისამ უკვე გამოაქვეყნა როუმინგის ტარიფები, რაც ეროვნულმა მობილურმა ოპერატორებმა უნდა გადაუხადონ ერთმანეთს, საკუთარ ტერიტორიაზე სხვისი კლიენტების, იგივე როუმინგის მომსახურებისთვის.

საბოლოოდ ევროკავშირის მომხმარებლისთვის ფასი მობილურ კომუნიკაციაზე საკუთარი ქვეყნისა და მის ფარგლებს გარეთ, მაგრამ ევროკავშირის საზღვრებში, უნდა გათანაბრდეს.