ე.წ. შავ სიაში მოხვედრილი შვიდი მუსლიმური ქვეყნის მოქალაქეებს, რომელთაც ლატარიის საშუალებით ე.წ. მწვანე ბარათის მოპოვება შეძლეს, შეერთებული შტატების ტერიტორიაზე შესვლა დაბრკოლების გარეშე შეეძლებათ.

თეთრი სახლის ადმინისტრაციამ, პრეზიდენტ ტრამპის განკარგულებაში ცვლილებების შეტანა გადაწყვიტა. ამის შესახებ ინფორმაციას თეთრი სახლის წარმომადგენელი შონ სპაისერი ავრცელებს.

დონალდ ტრამპის დადგენილებამ, რომელიც ახლო აღმოსავლეთისა და აფრიკის შვიდი მუსლიმური ქვეყნის წარმომადგენლებს, შეერთებული შტატების ტერიტორიაზე 120 დღის ვადით შესვლას უკრძალავს, სირიელი ლტოლვილების მიღების პროგრამას კი განუსაზღვრელი ვადით აჩერებს, საერთაშორისო საზოგადოებისა და მრავალი ადამიანის უკმაყოფილება გამოიწვია.