საქართველო-ევროკავშირის საინფორმაციო კამპანია ევროკავშირის პროექტის „ასოცირების ხელშეკრულების განხორციელების მხარდაჭერა" ფარგლებში, რომელიც მიზნად ისახავს საქართველოს მოსახლეობისათვის ევროკავშირისა და საქართველოს პოლიტიკური და ეკონომიკური ურთიერთობების შესახებ მარტივ ენაზე ინფორმაციის მიწოდებას. ასევე, ცნობიერების ამაღლებას, თუ რა კონკრეტული სარგებელი შეიძლება მოუტანოს საქართველოს ასოცირების ხელშეკრულების, ღრმა და ყოვლისმომცველი თავისუფალი ვაჭრობისა და ვიზა–ლიბერალიზაციის სამოქმედო გეგმის განხორციელებამ. კამპანიის ამოცანაა გაზარდოს სოციალური მხარდაჭერა საქართველოს ევროპული ვექტორის მიმართ. კამპანიის დროს განსაკუთრებული აქცენტი ევროპულ ფასეულობებზე კეთდება.