31 იანვარი, 2017
•5 საათის განმავლობაში იყო გაჩერებული ზუგდიდიდან თბილისისკენ მიმავალი მატარებელი ზესტაფონის მუნიციპალიტეტში.
•ხანძარი იყო გუშინ სიღნაღის რაიონის სოფელ ტიბაანში. უფუნქციოდ დარჩენილ სოფლის კულტურის სახლს ცეცხლი სავარაუდოდ სახურავიდან გაუჩნდა.
•"ბავშვთა სამყაროს" ტერიტორიაზე გვიან ღამით 16 სამაშველო-სახანძრო ბრიგადა იყო მობილიზებული.
•ხმაური იყო გვიან ღამით სადგურის მოედნის მიმდებარე ტერიტორიაზე. ხანძრის შედეგად დაზარალებულები ტერიტორიაზე შესვლას და იმ საცავების ნახვას ცდილობდნენ, სადაც მათი კუთვნილი ოქროს ნაწარმი ინახება.
•ფარული მოსმენების განსახორციელებლად საპარლამენტო უმრავლესობა საჯარო სამართლის იურიდიული პირის შექმნას გეგმავს.
•გაერთიანებული ორგანიზაციებისთვის ფარულ მოსმენებთან დაკავშირებით, საპარლამენტო უმრავლესობის მიერ მიღებული გადაწყვეტილება მიუღებელია.
•შინაგან საქმეთა სამინისტროში აცხადებენ, რომ გია ცერცვაძის საქმე ერთადერთი იყო, რომელზეც ინტერპოლის მეშვეობით ინფორმაცია გაიცა.
•ცენტრ პოინტის საქმეში მაგნოლიას ეპიზოდზე სასამართლო პროცესი დღეს განახლდება.
•საქალაქო სასამართლოს ყოფილი თავმჯდომარის საქმეზე გადაწყვეტილებას მოსამართლე დღეს გამოაცხადებს.
•საქართველოს პრეზიდენტმა კანადაში, კორეასა და ყაზახეთში ახალი ელჩები დანიშნა.
•დიდთოვლობამ პრობლემები შეუქმნა აჭარის მაღალმთიანეთს, სადაც სოფლებში თოვლის საფარმა 2 მეტრს მიაღწია.
•თოვლის გამო პრობლემები შეიქმნა ოზურგეთის მუნიციპალიტეტის ადმინისტრაციულ ერთეულებში.
•თოვლის საფარისგან გზების გაწმენდითი სამუშაოები მიმდინარეობს ფოთშიც.
•იურიდიულ საკითხთა კომიტეტის თავმჯდომარე სტრასბურგში მოსამართლეობის კანდიდატების შესახებ მიღებული გადაწყვეტილების მიზეზებზე საჯაროდ არ ლაპარაკობს.
•საერთო სასამართლოების შესახებ კანონზე პრეზიდენტის მიერ დადებული ვეტო, რეფორმის დროებით ბლოკირებას ახდენს.
•პრეზიდენტი საქართველოში ორდღიანი ვიზიტით მყოფ ევროპის საბჭოს გენერალურ მდივანს შეხვდა.
•ერთი ადამიანი დაიღუპა და 2 დაშავდა სტამბოლში, ბეიქოზის რაიონში მდებარე ერთ-ერთ რესტორანში სროლის შედეგად.
•შეერთებული შტატების პრეზიდენტმა გენერალური პროკურორის მოვალეობის შემსრულებელი სალი იეითსი, საიმიგრაციო პოლიტიკის კრიტიკის გამო გაათავისუფლა.
•შეერთებული შტატების ყოფილი პრეზიდენტი, ბარაქ ობამა დონალდ ტრამპის საიმიგრაციო პოლიტიკას აკრიტიკებს და საპროტესტო აქციის მონაწილეებს მხარს უჭერს.
•ერაყის პარლამენტმა შეერთებული შტატების პრეზიდენტის განკარგულების გამო, რომელიც ერაყელ მოქალაქეებს შეერთებულ შტატებში გამგზავრებას უზღუდავს, საპასუხო ზომები მიიღო.