ერთიანი ნაციონალური მოძრაობის პოლიტიკური საბჭოს თავმჯდომარე ნიკა მელია და ბოლნისის რაიონული ორგანიზაციის თავმჯდომარე სამირა ისმაილოვა სოფელ ტალავერის მოსახლეობას შეხვდნენ. ადგილობრივები ხელისუფლების მხრიდან პოლიტიკური ნიშნით ჩაგვრაზე საუბრობენ და აღნიშნავენ, რომ სოფლის პრობლემები - მოუწესრიგებელი გზები, სასმელი და სარწყავი წყალი, არ გვარდება, რადგან გასულ საპარლამენტო არჩევნებზე აქ მართველი გუნდი დამარცხდა. ნიკა მელიამ ხელისუფლებას მოუწოდა სოფლის მოსახლეობისათვის წინასაარჩევნოდ გაცემული პირობები შეუსრულოს და ამომრჩევლის დასჯა მათი პოლიტიკური არჩევანის გამო შეწყვიტოს.