11-დღიანი პატიმრობა დასრულდა - კიევში დაკავებული გიორგი ცერცვაძე გვიან ღამით გაათავისუფლეს. თუმცა საექსტრადიციო წარმოება გრძელდება, რის გამოც ვიცეპოლკოვნიკი გარკვეული პერიოდით უკრაინას ვერ დატოვებს.

წინასწარი დაკავების იზოლატორიდან გაშვების მიუხედავად, ოფიციალური თბილისი უკრაინის სამართალდამცავ უწყებებთან აქტიურ კომუნიკაციას განაგრძობს, რათა რუსეთში ცერცვაძის ექსტრადიცია არ მოხდეს.

რუსული მხარის მოთხოვნით, ინტერპოლის მიერ ძებნილი ვიცეპოლკოვნიკი მოსკოვის მიერ წარდგენილ ბრალდებას დღეს პირველად ეხმაურება და მისი დაკავების მოთხოვნას რუსეთ-საქართველოს და რუსეთ-უკრაინის ომებში მონაწილეობას უკავშირებს.