საქართველოს ოლიმპიური კომიტეტის ახლადარჩეულ პრეზიდენტს უფლებამოსილება დროებით შეუჩერეს. მიზეზი დეკემბერში გამართულ არჩევნებში დამარცხებული ირაკლი მეძმარიაშვილის სარჩელია, რომელშიც პრეზიდენტობის ყოფილი კანდიდატი დელეგატების რეგისტრაციის წესს აპროტესტებს.

საქალაქო სასამართლომ, დღეს, შუალედური გადაწყვეტილება მიიღო, რაც იმას ნიშნავს, რომ კომიტეტში არჩევნებამდე არსებული სტატუს-კვო დაბრუნდა.

ყოფილი კონკურენტის საჩივარი მოულოდნელი აღმოჩნდა ხაბელოვისთვის, რომელიც 23 დეკემბერს ოლიმპიური კომიტეტის პირველ პირად მეორე ვადით აირჩიეს.