კიევში დაკავებული გიორგი ცერცვაძის გამო პოლიტიკური ვნებათაღელვა არ ცხრება. საპარლამენტო უმცირესობის 21 დეპუტატი აფხაზეთის და აგვისტოს ომების მონაწილეს თავდებში უდგება. შესაბამისი წერილი უკვე უკრაინის საელჩოშია.

პროკურატურას ძიების დაწყებას სთხოვს ,,ნაციონალური მოძრაობა , რომელსაც აინტერესებს, რატომ არ გააფრთხილეს ქვეყნიდან გასვლამდე ვიცე-პოლკოვნიკი ცერცვაძე, რომ რუსეთის მოთხოვნით ინტერპოლი ეძებდა.

ოპოზიციის ნაწილი სამართალდამცავ უწყებებს ჯარისკაცის საქმეზე რუს კოლეგებთან თანამშრომლობაში ადანაშაულებს. თუმცა ბრალდებას კატეგორიულად უარყოფენ ადრესატი უწყებები.

რუსეთში გიორგი ცერცვაძის ექსტრადირების არდაშვების მიზნით, ოფიციალური თბილისი უკრაინულ მხარესთან უკვე მუშაობს.