უთანხმოების მიზეზი ხდება ფრაქცია „ქართული ოცნების“ გადაწყვეტილება. პარლამენტის კვოტით, საკონსტიტუციო სასამართლოს მოსამართლის ვაკანტურ ადგილზე მანანა კობახიძეა წარდგენილი. ყოფილი ვიცესპიკერი მიუკერძოებლობის და მხოლოდ კანონის წინაშე ანგარიშვალდებულების პირობას დებს, მმართველი გუნდი კი იურისტის და ყოფილი უფლებადამცველის კომპეტენციაზე და სამართლის სფეროში მუშაობის გამოცდილებაზე აკეთებს აქცენტს. თუმცა არგუმენტებს არ იღებს საპარლამენტო ოპოზიციის ნაწილი. შეფასების დროს გაცილებით კრიტიკულები არიან არასამთავრობო ორგანიზაციები, რომელთა აზრით, დეპუტატის მოსამართლედ არჩევა სასამართლოს ავტორიტეტს დააზიანებს. „საერთაშორისო გამჭვირვალობა“ პარლამენტს მოუწოდებს, წარდგენილ კანდიდატს მხარი არ დაუჭიროს. ორგანიზაცია კობახიძეს ძველ ინტერვიუებს, სკანდალურ საქმეებსა და განცხადებებსაც უხსენებს.
სალომე ქოქიაშვილმა მოისმინა მხარეთა პოზიციები და არგუმენტები.