"ეფლს" ინდოეთში "აიფონის" წარმობის დაწყება სურს, თუმცა სანაცვლოდ ინდოეთის მთავრობისაგან მთელ რიგ ფინანსურ შეღავათებს ითხოვს.

კონკრეტულად რას ითხოვს "ეფლი", კომპანია არ ასაჯაროებს, თუმცა სააგენტო "ბლუმბერგის" მიერ მოპოვებული ინფორმაციით, კომპანიას პირველ რიგში, ინდოეთში იმპორტირებული მოწყობილობების 15 წლით გადასახადისგან გათავისუფლება სურს.

აღნიშნული ინციატივა" ეფლმა" ჯერ კიდევ გასული წლის მაისში გამოთქვა და მას შემდეგ კომპანიასა და ინდოეთის მთავრობას შორის აქტიური მოლაპარკებები მიმდინარეობს თუმცა გადამწყვეტი შეხვედრა, ნიუ დელიში, 25 იანვარს შედგება.