ესპანეთის მსგავსად, ქვეყნის თასის გათამაშების შეხვედრები გაიმართა ინგლისსა და იტალიაში.

„ლივერპული“ საფეხბურთო ასოციაციის თასზე მე-16-ედ ფინალში ითამაშებს. პირველი მატჩში საკუთარ ენფილდზე ნულოვანი ფრის შემდეგ, მერსისაიდელებმა, „პლიმუთი“ გუშინ გასვლაზე მინიმალური ანგარიშით 1-0 დაამარცხეს.

ერთადერთი გოლი 25-ე წუთზე, ბრაზილიელმა ლუკას ლეივამ გაიტანა და თავის გუნდს, მომდევნო ეტაპის საგზური მოუტანა, სადაც მეტოქედ, „ვულვერჰემპტონი“ ეყოლება.

იტალიის თასის მეოთხედფინალში ითამაშებს ლაციო. რომაელებმა სტადიო ოლიმპიოკოზე, მაღალ შედეგიან შეხვედრაში, ჯენოა 4-2 დაამარცხეს.

აღსანიშნავია, რომ მატჩის პირველ ტაიმში ოთხი გოლი გავიდა და ფრედ დასრულდა. მეორე ნახევარში კი, მასპინძლები გაცილებით აქტიურად გამოიყურებოდნენ და კიდევ ორჯერ აიღეს მეტოსი კარი. გოლები: სერგეი მილინკოვიჩ სავიჩმა და ჩირო იმობილემ გაიტანეს. ლაციო თასის გათამაშების მეოთხედფინალში მილანის „ინტერის“ წინააღმდეგ ითამაშებს.